1 Wajcaw, cho'n na chinjilon teru'.
2 Cho'n k'uklij inc'u'l te'ju' na ilu' inRyosil.
3 Na quil tz'el xtx'ix jun yi ko k'uklij c'u'l te'ju'.
4 Wajcaw, ẍchaje'u' yi be'u' swetz.
5 Ẍchaje'u' yi mero bintzi swetz.
6 Wajcaw, qui'k tz'el yi banl talma'u' te c'u'lu'.
7 Qui'k tz'ocu' tan xtxumle'n cyakil yi wil.
8 Yi Kataj chumbalaj nin i'.
9 Nin na ẍchaj i' yi balaj be' scyetz yi e' c'ulutxum.
10 Cyakil yi na ban Kataj ske'j na ẍchaj yi na pe'k i' ske'j, na list i' tan tele'n cu'n te yi tetz yol yi suki'nt ta'n.
11 Wajcaw, nimix cunin wil ja injuch swutzu'.
12 Cyakil yi e' yi na cyek ẍchi' Kataj, i' na chajon yi mbi'tz tajwe'n tan chibnol, bantz chixome'n te'j.
13 Nin stk'e' i' yi banl squibaj.
14 Nternin na cho'c nin na che'l Kataj scyuch' yi e' yi na cyek ẍchi' i'.
15 Ilenin cho'n na chinxmayin nin te Wajcaw.
16 Wajcaw, elk k'ajabu' swe'j.
17 Chin cole'u' tk'ab yi bis o'kl yi atin cu'nt.
18 Wajcaw, na tilu' yi o'kl yi atin cu'nt, tu yi q'uixc'uj yi atin cu'nt.
19 Sak cu'n swutzu' yi wi'nin chijale'n mas incontr.
20 Chin q'uicy'leju' bin, nin chin colpe'u' ẍchik'ab e' incontra'tz.
21 Nink xcye' yi inc'ulutxumil tu yi imbalajil tan incolche'n.
22 Kataj, ko' colpe'u' tk'ab cyakil yi q'uixc'uj yi ato' cu'nt, yi o' xonl Israel.