1 Cyakil yi at tcya'j na ẍchaj yi k'ej Ryos.
2 Cyakil nin k'ej na cyal yi balajil Ryos.
3 Qui'c jun jilwutz yol najk xcon cya'n.
4 Poro yi xtxolbil yi na chichaj ilijt cya'n cyakil wunak bene'n tzi'n wi munt, jalen te yi najbil yi k'ej.
5 Ej nin yi k'ej chin tzatzin cu'n na el tan xo'n, chi na ban jun aj tx'aconl, nka chi na ban jun yaj yi inak cu'n mo'c txkel.
6 Cho'n na je'ul tele'n tzi'n.
7 Ncha'tz yi ẍchusu'n Kataj, chin tz'ak nak cu'n.
8 Qui'c mu'ẍ paltil yi yol Kataj.
9 Chumbalaj nin kol kek ẍchi' yi yol Kataj, na quil sotz tera'tz.
10 Mas tcu'n balaj swutz yi oro, nka yi pwok.
11 Na xcon tan makle'n kawutz.
12 Ta', at lo' wil yi qui na chinnachon te'j.
13 Ej nin ko na wocsaj wib nim, xit cu'nu' yi jun wajtza'kla'tz.
14 Wajcaw, lok tzatzinu' te yi e'chk yol yi na el le intzi'.