1 Swak'e' ink'ajsbil tetz Wajcaw, na i' colol wetz.
2 Nin i' yi balaj wamiw yi ba'n k'uke' inc'u'l te'j.
3 Poro Wajcaw, ¿mbi eka'n kak'un yi o' wunak yi na ocu' il ske'j? ¿Mbi kaxac yi o' wunak swutzu'?
4 Ni'cu'n o' tu cyek'ek' yi jal cu'n na icy'.
5 Wajcaw, jake'nu' yi puertil tcya'j nin cuk tzaju'.
6 Cuk k'ancyok tu xlitz' tanu' tan chixite'n cu'n yi e' contru'.
7 Tak' cu'n tzaju' yi k'abu' tan incolche'n ẍchik'ab yi jun c'oloj wunak yi i cunin mar quitane'n.
8 Na yi e'a's e' cu'n la'j na na chisuk chiyol poro che'ch tu'.
9 Wajcaw, tzimbitze' jun ac'aj bitz teru'.
12 Yi e' kanitxa' chumbalaj nin e'. Na, tzan chich'uye'n chi na ban jun buch wutzk'anil jun ca'l.
13 Nin yi kac'ojaj nojnak tan e'chk kawa'.
14 Ma yi kawacẍ ilenin na cu' cyal.
15 Ba'n cyeri yi e' tnum yi ya'tz quitane'n.