1 Katyoẍink tetz Kajcaw, na chumbalaj nin i'.
2 Katyoẍink tetz i' na i' yi wi'tz Ryos swutz alchok ryosil tzone'j wuxtx'otx'.
3 Katyoẍink tetz i' na i' yi wi'tz ajcaw squibaj yi e' ajcaw.
4 Katyoẍink tetz i', na ntin cu'n i' na xcye' tan banle'n e'chk milawr.
5 I' bnol tetz yi tcya'j tan yi tetz tajtza'kl.
6 I' anc'une'n yi a' tan jale'n tx'otx'.
7 I' bnol tetz yi e'chk lmak txekbil yi at tcya'j.
8 I' bnol tetz yi k'ej yi na txekun chajk'ej.
9 I' bnol tetz yi xaw tu yi e'chk tx'uml yi na chitxekun lak'bal.
10 I' biyon yi e' bajx chinitxa' yi e' aj Egipto.
11 I', e' elsan tzaj yi e' kaxonl jak' chica'wl yi e' aj Egipto.
12 Tan yi tetz ẍchamil ja bnix cyakil yi e'chk milawra'tz.
13 I' jatxon cu'n yi Cyak Mar.
14 I' e' icy'san tzaj yi e' kaxonl tul yi jun mara'tz.
15 I' jopon cu'n yi mar kale e' bek'xe't yi e' sanlar yi faraón.
16 I' bajxij ẍchiwutz yi e' tanum le ama'l tz'inunin tu'.
17 I' biyon cu'n yi e' wi'tz rey.
18 I' e' sotzan cu'n yi e' ajcawa'tz.
19 I' biyon cu'n Sehón, yi chireyil yi e' amorreo.
20 I' biyon cu'n Og yi chireyil yi e' aj Basán.
21 I' jatxon cu'n yi chi'ama'l yi e' reya'tz.
22 Nin ja tak' i' sketz yi o' xonl Israel.
23 I' mo'c tan kuch'eye'n yi mu'l sotzaj c'u'lal skawutz.
24 I' na kacolon ẍchik'ab yi e' kacontr.
25 I' c'a'chanl ketz scyuch' yi e' txuc.
26 Katyoẍink bin tetz Kataj Ryos yi at jalen tzi'n tcya'j.