1 Apuru wina Yusur asam,
2 Tura wi seajme nu anturtukam airkata.
3 Wikia timiá pasé pujau asan,
4 Wina kakarmar atsau asamtai,
5 Wikia aints jakau iwiarsamunam ukusmawa tumawaitjai.
6 Tura wikia waa jiitamranam tee amaunum ajuarmawa tumawaitjai.
7 Ame kajekmaurum akupturkau asakmin,
8 Turamtai wina amikur ainau ajapruwar ukukiarti tura tsuutrarti tusam aitkaramame.
9 Tura timiá juutu asan,
10 ¿Jakaru ainau wainchati takat wainmamtikiatmeash?
11 ¿Jakaru ainau iwiarsamunam ami nekas chichammin pachisar,
12 ¿Tura jakaru ainamunam aints kichkisha ami pengker turamurmin tura ami wainchati takatrumin nintiminawak?
13 Antsu wikia Apuru amin seajme.
14 Apuru ¿waruka winasha nakitrame?
15 Wikia natsa akunka wait wajayajai,
16 Ami suwirum winaka nepetuki.
17 Tura asamtai aints nujang nujangkruamunam japen wajawa tumawaitjai.
18 Wina amikur ainau tura wina irutkamur ainausha yajá akupkamu ainawai.