1 Yus wina anturtukat tusan kakarman untsuajai.
2 Tsawai wake mesekan pujakun,
3 Wikia Yusen nintimsan pujakun juutjai.
4 Apuru ameka kanurta tusamka tsangkamrukchamame.
5 Turayatun yaanchuik pujuyaja nuna nintimsan pujajai.
6 Turasha kashi kantamnuyaja nunasha aneakjai.
7 ¿Apurka iinka tuke kajertamkatatjik?
8 ¿Turasha ni anengkratairingkia amukamkia?
9 ¿Turasha Yuska ni pengkerinka kajinmarmakia?
10 Yus nayaimpinam puja nuka yamaikia iijaingkia pujatsui,
11 Antsu ii Apuri yaanchuik pengké wainchatin turinuya nunaka aneartatjai.
12 Turasha ni turinamurin mash nintimratatjai.
13 Yusru ami turamuram nekasar pengker ainawai.
14 Amek Yus asam,
15 Tura ami kakarmarmijai ami aintsrum ainau angkanmamtiknuyame.
16 Yusru ame nase akupkam,
17 Tura mukuntiuka yumin jitumtikramiayi.
18 Tura katurang winamtai,
19 Yusru juun entsanam ame kukarak katingtaj tusam,
20 Uwija wainin ni uwijarin ayas wekaamtikua nunismek ami aintsrum ainau wekaamtiksarti tusam,