1 Yus pengke nintintin ainaun nekas pengker awajsatnuitai.
4 Pasé aints ainau najaimiatsuk pujuinau asar ni jakatniurinka nintiminatsui.
5 Tura chikich aints wait wajaina nunisarka waitka wajainatsui.
6 Tura asar jampesarang pujuinawai,
7 Ni namangkengka apuitai.
8 Chikich aints ainaun wishikinawai.
9 Yusnasha pachisar pasé chichainawai,
10 Tu pujuinau asaramtai,
11 Tura nintiminak:
12 Nu pasé aints ainau jiij pujurtaram.
13 Tu tinau wainiatnak,
14 Turayatnak pachitsuk kintajai metek wait wajajai,
15 Antsu tu chichaaknaka Yusen umirkaru ainaun pasé nintimtiknuyajai.
16 ¿Timiá tunau ainayat warukaya timiá yuumatskesha pujuinawa? tusan nuna tenapkesan nintimratatkaman pengké yumtin nintimsan pujuyajai.
17 Antsu nuniangka Yuse jeen wayaan,
18 Nu aints ainauka iyaatnak wajainawai,
19 Nuka aneachmau mengkaakartin ainawai.
20 Apuru ame aints shintarua nunismek nu pasé aints ainauka amuktinuitme.
23 Turayatnak tuke amijai pujuyajai.
24 Wina chichamur umirtukta tusam,
25 ¿Warukanak nayaimpinam winitnasha wakeraja? Nayaimpinam wininka aminak wainkatasan wakerajme.
26 Wina pujutruka amukatnuitai.
27 Aints Yusen nintimtsuk pujuinauka tuke mengkakartin ainawai.
28 Antsu wikia tuke Yusen nintimsan pujusminuitjai.