1 Apuru wina ejarkat tusan amin seajme.
2 Tura angkanmamtikruata.
3 Wikia aints pampanam anuminawa nunismek anumkata tusam tsangkamrukta.
6 Nukuru ampujenia wina jiirkimiame.
7 Aints ainau untsuri wina waitkar nukap nintiminawai.
8 Kintajai metek ami pengkeerumin nintimsan:
9 Tura asamtai juuntach amatisha tuke waitkata.
10 Wina nemasur ainau mantuwartas iruntrar chichaman najatrinawai.
11 Nuka chichainak:
12 Yusru tu tinau asaramtai,
13 Wina nemasur ainau inatsaaram mengkaakta.
14 Antsu wikia amin kintajai metek ame tati tusan nakastatjame.
15 Kintajai metek aints ainaun ujaakun:
16 Apuru amin pachisan:
17 Yusru wi natsa amatikia,
18 Yusru wikia weamran tura jemperukan pujaing waitiatum winaka ajapruam ukurkiip.
19 Yusru nayaimpinam pujau asam,
20 Winaka itit awajtukmaur tura wait wajaktincha wainmamtikrin ayame.
21 Tura aints ainau wina pachitsar:
22 Tura asakmin Yusru wikia amin pachisan kantan kantamruatjame.
23 Tura wina uwemtikruru asakmin,
24 Wina pasé awajtusartas wakerutin ainauka pengké natsaarar pujuu armiayi.