1 Yusru wi seajme nu anturtukta.
4 Tura asamtai wina nintirka sapijmiakun nukap teetui.
5 Tura tenukap shamau asan,
6 Tura asan yapangkam nanamina nunisnak nanamin akunka,
7 Tura nanamnuitkunka arák wena aints atsamunam pujusminuitjai.
8 Tura nase kakarman nasenmataikia,
9 Apuru wikia mangkartin ainau turamurin wainkan,
10 Nu mangkartin ainau tsawaisha tura kashisha yaktanam wekajinawai.
11 Nu yaktanmaka aya mangkartutiri tura waitrutiri nukap ainawai.
12 Wina nemasruka winaka paseenaka awajtuscharmayi.
13 Antsu nuka nekas wina tsaniakmauruketai.
14 Nijai pengker nintimsar chichasmi tusar,
15 Wina nemasur ainau aneachmau jakaarti.
16 Antsu wikia Yusen seatatjai.
17 Kashiksha tura tsaa tupnisha tura kashisha Apurun untsukan seatatjai.
18 Wina nemasur untsuri au wainiatang wina Apurka angkan awajtustatui.
19 Wina nemasur ainauka Yusnasha nintimtsuk pujuinau asar,
20 Tura amikmami tinayat,
21 Ni chichamenka jaimiasar chichainayat,
22 Aints Yusen umirak pujaunaka ayaarti tusangka,
23 Yusru mangkartin ainau tura wait chichaman chichau ainau chikich aints ainaujai metekka nukapka pujuschartin ainawai.