1 Wikia Yusrun kintajai metek:
2 Wikia Yusrun nintimtusan:
3 Iijai metek mash iruntrar ii Apuri naari pachisar:
4 Wikia Yusrun seam ni anturtukmiayi.
5 Wina Yusrun nintimsar pujuinauka nukap warainawai.
6 Wikia mianchau asan,
7 Yuse awemamuri Yus nintimsar pujuinautin tuke waitmaku asamtai uwemtikramratnuitji.
8 Yus pengkerashi tusaram nekaatasrum wakerakrumka,
9 Yus umirkautiram atumi Apuri nintimtusrum:
10 Kuikiartin ainauka kuikiartichu wajasar yuumakartin ainawai.
11 Uchir ainautiram,
12 Atumka pengker nintimsaram wara warat pujustasrum wakerakrumka,
13 pasé chichamka chichatsuk asataram.
14 Tura pasé aa nuka mash inaisaram,
15 Ii Apuri Yuska nekas pengke nintintin ainaun wainin asa,
16 Antsu tunau takau ainaunka nakitawai.
17 Yuska pengker nintintin ainau seamurinka anturui.
18 Ii Yusringkia arakchichuitai.
19 Pengke nintintin itiurkachminnum nukap wait wajainau wainiat,
20 Ni kunchincha kupirkacharti tusa wainuitai.
21 Pasé aints ainau ni tunaarijai jakartin ainawai.
22 Antsu ii Yusri ni inatiri ainaun uwemtikratnuitai.