1 Apuru wina kakarmarka ametme.
2 Ametme wina ayamtikrurtin.
3 Apuru amin mash aints ainau:
4 Mangkartin ainau timiá untsuri wina mantuwartas winitrinamtai,
5 Jata achirkawa nunisnak,
6 Tura timiá shamakun Apurun:
7 Wi turamtai nungka kakar uurkamiayi.
8 Ni nujinia mukunit shamai jiinua tumauyayi.
9 Nayaimpinam pujuutiat Yus kuanki mukunit shuwinnum wajawa tumauyayi.
10 Tura ni awemamuri querubínnum keemas Yus nanamua tumauyayi.
11 Tura mukunit shuwinnum yumi jiturtas kajintramunam Yus anumkawa tumauyayi.
12 Turasha Yus ni pujutirin keemas charim kakar etsantua tumauyayi.
13 Yus nayaimpinam puja nu ipiamtajai ni chichaamurin antumtikiamiayi.
14 Tura chaarim nangkia tumau ayaararti tusa akupkamiayi.
15 Yus kakar chichaak nasen timiá kakarman umpumtikiam,
16 Nunia Yus nayaimpinam pujus tsuntsuma aints juun entsanam jakenaun achikiar juwina nunisang ni uwejen kutsmar wina achirak nemasur ainamunmaya uwemtikrurmiayi.
17 Tura nemasur ainauka timiá kakaram armia nuka wina kajertukar pujuinamunmaya uwemtikrurmiayi.
18 Wina nemasur ainau nepetukartas wakerinamtai,
19 Tura angkanmamtikruamiayi,
22 Ni umirkatin chichamnasha kajinmichuitjai.
23 Tura nekasan Yusen nintimsan tuke pengker pujuyajai.
24 Wi Yusen nintimsan pengker pujau asamtai,
25 Apuru amin umirtaminauka amesha ajapamka ukuatsme.
26 Tura ame pengké anangkartichu asam,
27 Ameka mianchau ainau uwemtikratnuitme.
28 Apuru ame ji kapawa nunisketme.
29 Tura asakmin ami yaimkemjai wina nemasur ainaun nepetkatnuitjai.
30 Yuse jintingkia nekas pengkeraitai.
31 ¿Chikich yus iin ayamrutmaktincha awak?
32 Wina kakarmarun surustinka Yusketai.
33 Japa tsekengki wekaawa nunisang wina kakamtikrurtinka Yusketai.
34 Wi mesetnum weamtai:
35 Yusru ame wina uwemtikrinuyame.
36 Wi wekaamtai angkan wekaasata tusam waitkamiame.
37 Tura asakmin wina nemasur ainaun papeekan amankiamiajai.
38 Niin charukarmau asar pengké nantakcharmiayi.
39 Yusru wi mesetnum weamtai ame kakamtikrurmiame.
40 Wina nemasur ainau winiangka tupikiakiarti tusam tsangkamkamiame.
41 Ayamrutkata tinamaitiatang,
42 Tura asamtai wikia nase umpuak nungka tsetserin juwawa nunisnak nu aints ainaun nepetkan turan nungka mirachia nunisnak najarmiajai.
43 Tura asamtai ame Apuru nu aints amin umirtamchau ainamunmaya uwemtikrurmiame.
44 Turasha wina chichamrun antukar umirtinawai.
45 Nu aints ainauka sapijminawai.
46 Ii Apuringkia tuke pujuuwitai.
47 Yus chikich nungkanmaya ainaun nepetkau asa,
48 Wina nemasur ainau kajertinamunmaya Yus wina uwemtikrurmiayi.
49 Tura asakmin mash nungkanmaya ainau iruntramunam amin:
50 Ame apu ata tusam wina inaituku asam,