1 Wina nintirjai tuke Yus pengkeraitai titatjai.
2 Ameka paantin asam,
5 Ameka nungka pengké muchikchati tusam metamiame.
6 Tura juun entsa timiá kuna asa,
7 Tura wainiatum ameka juun entsa kuyuati tusam chicharkamiame.
10 Tura muranam pukuni ainia nu entsa arti tusam,
11 Tura pachim ainau yumin umurarat tusam,
16 Numi ainau juun wajasarti tusam numpesha suame.
17 Nanamtin ainauka numinam pasungminawai.
18 Tura chipu yupiram ainau muranam yakí wekajinawai.
19 Aints ainau nantun nekaawarti tusam,
20 Ame tee ati tama tee wajawai.
21 Juun yawaa ainau ni uchiri yutairincha eatinawai.
22 Tura tsawaarmatai ataksha waanam wayaawar tepeenawai.
23 Aints ainau tsawaarar jeanmaya jiinkiar,
24 Yusru ami takatrum timiá untsurintai.
25 Juun entsasha sarmaitai.
26 Nuni kanu juunnum aints engkemawar wekainawai.
27 Ame mash yujaina nuna yutairisha suame.
28 Ame suam ni yutairincha juwinawai.
29 Ame yuta suachmaka wake mesekar pujuinawai.
30 Ame ni mayatairi suamu asar,
31 Yuse kakarmari tuke nangkankashtinuitai.
32 Yus uurkat tama nungkaka muchiawai.
33 Tura asamtai Yusen tuke nintimsan kantamatajai.
34 Wikia Yusrun tuke pengker nintimtusan pujajai.
35 Tunaarintin ju nungkanam matsatinau mengkakartin ainawai.