1 Aintsu apurijai yuwatasam keemsamka, warí yutaina itainawa nu anearam yuwata.
2 Tura
3 Nu yutai kungkuram au wainiatum: Anangkruwartimpiash
4 Wikia kuikiartin wajastaj, tuuka nintimraip.
5 Antsu paan nintimsam: Kuikiartinu kuikiaringkia
6 Aints suria nuna yutairingka yuwaip. Turamka ni yutairi nekas pengker iwiaaramun au wainiatum nuka wakerukaip.
7 Nu aintska tuke yutai akikaitai tuu nintimui. Amin: Yuwata turasha murta tayat, suri asa
8 Tura asamtai yurumak yuwamame nuka arumak iniuktatme. Tura asam: Pengker yuwajai tayatum, nuka nangkami timiame.
9 Aints nintimchau antamunam chichakaip.
10 Yanchuik juuntrum ainau nungkan akankamunam painin jintawarmia nuka kuinkaip. Tura mitaikia nungkarisha atankiip.
11 Warí, uchi mitaik aina nuna ayamrinka nekas kakarmaitai. Tura asa mitaik ainaun ayamruktas amin nepetamkatnuitai.
12 Amin nuitaminamtai nintimjai pengker nintimtusta. Tura paan nintimram,
15 Uchiru, ame paan nintimramka, winasha nukap waramtikrame.
16 Tura nekas pengker chichaakminkia, nuna antukan nukap warastinuitjai.
17 Tunaarintin ainauka nekasar pengker pujuinawai, tuuka nintimraip.
18 Nu turakmeka ukunam
19 Uchiru, anturtukta turakum pengker nuimiarta. Tura jinta Yusnum jeatniunam tuke wekasata.
20 Antsu nampeu ainaujaingkia tura ushu yutancha nukap wakerin ainaujaisha
21 Nampeu ainauka tura ushu ainausha wait wajakartin ainawai. Tura naki ainau kuikiartichu asar, mamurar pujuinawai.
22 Aparam amin yajutmarmia nu anturkata. Tura nukuram juuntach wajasamtaisha nakitraip.
23 Chicham nekas aina nuka, tura paan nintimratniusha, tura nuimiartincha, tura pengker nekatniusha
24 Aintsu uchiri pengker tura nintip pujakka aparin nukap waramtiksatnuitai. Tura ni yajutmaru asa: Maj, uchirka nekas pengkerapita titinuitai.
25 Tura asamtai aparam tura nukurmesha amin jeretmarmia nuka mai metek waramtiksarta.
26 Uchiru, wina tuke nintimtursata, tura wi turaja nu jiista.
27 Kungkatip nuwaka waa taimu nitak wangkarmachua nunisketai.
28 Nu nuwaka kasa aints aneachmau aintsu waririn kasamkatas
29 ¿Ya aintsua wait wajaktinuita? ¿Tura ya aintsua najaimiatnuita? ¿Turasha ya aintsua nangkami juutnuita? ¿Tura ya aintsua maanitan wakeruktinuita? ¿Turasha ya aintsua nangkami numpartinuita?
30 Nampetan pengke inaichau ainau tura umutain wainchatain timiá kariaun nekapin ainau tu pujuinawai.
31 Umutai nampetai ainaun tenapkesan jiistaj tiip.
32 Antsu jumchik arus napi esatma nunisang najaimiakum wait wajaktinuitme.
33 Nu umutaingkia nekaachminun jiimtikramratnuitai. Tura nintinchau wajasam, natsanpiaku chichastinuitme.
34 Tura timiá nampekam karamramuram kanú tsakarin tepamin, ukantinua
35 Tura shintaram chichaakum: Katsumrinaunak najaimiarchamjai.