1 Me-nanboana Yesu asonbo, i tansi i tiri me yɛɛ Isirale awura mɛꞌ nyɛ Wurubuaarɛ amɔlɛgɛ de mɛꞌ nyɛ mɔ asɛ gɛkyena. Lii gɛnen so mɔ, n kya kolɛ Wurubuaarɛ mi‑i sa mɔmɔ.
2 N nyi mɔmɔ so yɛɛ nkana mɛ tansi kyu mɔmɔ-nyoro kyu sa Wurubuaarɛ ɔson mɔ. Mɛ mɛŋ kii bii ɔkpa ɔbono so i kaaborɛ mɛꞌ kyu de Wurubuaarɛ ɔꞌ nyɛ kyu ɔmɔ yɛɛ mɔmɔ-asen dɔ i boran mɔ.
3 Mɛ mɛŋ nyi yɛɛ pɛi ne Wurubuaarɛ laa kyu nyamesɛ yɛɛ mɔ-gisen dɔ i boran mɔ, i kya lii daa mɔ Wurubuaarɛ gbaa-gbaa asɛ. Isirale awura mɔ berɛ, mɛ kya laarɛ mɛꞌ tɔgɛ mɔmɔ-gibaa so daa yɛɛ, “A gyi Wurubuaarɛ nbara ndɛ abɛɛ ndɛ so mɔ, Wurubuaarɛ laa wu yɛɛ aye-asen dɔ i boran.” Imɔso mɛ mɛŋ kya bara mɔmɔ-nyoro gɛsɛ sa Wurubuaarɛ de mɔ ne oꞌ kyu mɔmɔ-asen dɔ yɛɛ i boran.
4 I kya nyiile yɛɛ Kirisito gi logɛ gɛnɔɔbono asa mɛ laa gyi Wurubuaarɛ nbara mɔ so de Wurubuaarɛ oꞌ kyu mɔmɔ yɛɛ mɔmɔ-asen dɔ i boran mɔ. Wurubuaarɛ gi san ɔ kya laarɛ daa yɛɛ oꞌ kyu ɔkamaasɛ ɔbono ɔ laa ka gyan Kirisito so mɔ yɛɛ mɔ-gisen dɔ i boran.
5 Abono mɛ laa tɔgɛ yɛɛ mɛ laa gyi Wurubuaarɛ nbara mɔ so daa pɛi de Wurubuaarɛ ɔꞌ lɔɔ kyu ɔmɔ yɛɛ mɔmɔ-asen dɔ i boran mɔ, Mosisi gi ŋmarasɛ mɔmɔ so ilaa yela yɛɛ,
6 Abono, mɔ, mɛ laa ka gyan Wurubuaarɛ so de ɔꞌ mɔlɛgɛ mɔmɔ de oꞌ kyu ɔmɔ yɛɛ mɔmɔ-asen dɔ i boran mɔ, mɛ ŋmarasɛ mɔmɔ so ilaa yela Wurubuaarɛ agyɛbi dɔ kee yɛɛ,
7 “Abɛɛ ‘Anɛ ne nan kpelegɛ kpe ibuni dɔ sa me ne?’ ”
8 Mɔ, menɛ ne a laa wɔra de aꞌ nyɛ Wurubuaarɛ amɔlɛgɛ mɔ? Gɛnen ɔkalan mɔ ne a kpɛ a kya tɔgɛ a sa asa yɛɛ, “Fɛꞌ ka gyan Kirisito so, fɛꞌ ka gyan Kirisito so” mɔ. Wurubuaarɛ agyɛbi mɔ a kya tɔgɛ yɛɛ,
9 Imɔ ne n gyɛ yɛɛ nengyene fo nyamesɛ fo bugi fo-gɛnɔ tɔgɛ yɛɛ
10 I lii fɛɛ nyamesɛ kya sɔɔ gyi mɔ-gisen dɔ daa ne
11 Mɛ ŋmarasɛ yela Wurubuaarɛ agyɛbi ɔwolɛ mɔ dɔ yɛɛ,
12 Gisɔɔgyi ilaa idɛ i gyɛ gɛsintin sa Gyuda awura de asa sɛnsɛ pɛwu. I lii fɛɛ anyamesɛ pɛwu mɛ bo daa Wura kolon. Ɔkamaasɛ ɔbono ɔ saawo terɛ mɔ mɔ, ɔ laa tansi wɔra ilaa sa mɔ.
13 I dɛ daa fɛɛ gɛnɔɔbono Wurubuaarɛ gi tɔgɛ mɔ-agyɛbi dɔ mɔ. Ɔ tɔgɛ yɛɛ,
14 Nnɛ so ne anyamesɛ mɛ laa saawo terɛ isa ɔbono mɛ mɛŋ ka gyan mɔ so mɔ? Ne nnɛ so ne mɛ laa ka gyan isa ɔbono mɛ mɛŋ ti nu mɔ so kerɛ mɔ? Nengyene asa mɛ maŋ nyɛ ɔko de ɔꞌ tɔgɛ mɔ-ilaa sa mɔmɔ mɔ, nnɛ ne mɛ laa wɔra de mɛꞌ nu mɔ so?
15 Nengyene Wurubuaarɛ mɛŋ lɛɛ asa sun de mɛꞌ tɔgɛ mɔ-ilaa sa asa mɔ, i maŋ nyɛ atɔgɛbo. I dɛ daa fɛɛ gɛnɔɔbono mɛ ŋmarasɛ yela Wurubuaarɛ agyɛbi dɔ mɔ. Mɛ ŋmarasɛ yɛɛ,
16 Imɔ‑rɛ imɔ gɛnen gbaa faa, iŋ taa gyɛ asa abono pɛwu mɛ nu ɔkalan konkonsɛ baarɛ mɔ ne n laarɛ mɛꞌ nu ɔkalan mɔ gɛsɛ. Gɛnen so mɔ, Wurubuaarɛ ikalan ɔtɔgɛbo ɔbono mɛ kya terɛ mɔ yɛɛ Isaya mɔ gi taasɛ Wurubuaarɛ yɛɛ,
17 Imɔso pɛi ne nyamesɛ laa sɔɔ ɔkalan mɔ gyi mɔ, gɛnen mɔ, o nu mɔ. Ne nyamesɛ, mɔ, laa nyɛ nu ɔkalan mɔ mɔ, gɛnen mɔ, ɔ nyɛ ɔko gi tɔgɛ Kirisito ilaa sa mɔ.
18 N kya taasɛ yɛɛ imɔso Isirale awura mɔ mɛ mɛŋ ti nu gɛnen Wurubuaarɛ ɔkalan baarɛ? Mɛ ti nu! I lii fɛɛ Wurubuaarɛ agyɛbi mɔ dɔ mɔ i tɔgɛ kyu lii ɔkalan mɔ atɔgɛbo mɔ so yɛɛ,
19 Nꞌ kii taasɛ kee yɛɛ, “Imɔso Isirale awura mɔ mɛ mɛŋ nu Wurubuaarɛ ɔkalan mɔ gɛsɛ?” Mɛ nu mɔ gɛsɛ. Gigyangbarasɛ mɔ, Mosisi gi ŋmarasɛ Wurubuaarɛ agyɛbi ako yela yɛɛ,
20 Isaya kee gi taalɛ da gikan tɔgɛ Wurubuaarɛ agyɛbi ako yɛɛ,
21 Isirale awura mɔ berɛ Wurubuaarɛ gi tɔgɛ kyu lii mɔmɔ so yɛɛ,